[转载] 男人最鍾意背住女人做咩﹖你又做過邊幾樣?

女人最不能接受的事實是: 男人背著你是另一個人，網上是另一個人，女同事面前是另一個人，舊情人面前又是另一個人。
沒有一個女人能完全看清男人的全部面向，尤其是老婆。


1. 打飛機
一定會做的事。太重要了，所以放在最頭。男人不明白，為什麼同居女友或妻子那麼討厭﹑抗拒他們背著她偷偷打飛機。
對女人來說，這是側面質疑她們的吸引力和重要性的有力證明，但對男人來說，打飛機和打機，其實都很像，不過是用來打發時間和減壓罷了。

2. 跟ex聯絡
十個男人九個背著女人都會做的事。msn又好，見面都好；主動又好，被動都好……打飛機也許還能忍，但跟ex聯絡這心癮，實在無法抗拒。

3. 喪打機
女人問男人做咩無精神，尋晚唔係一齊收線訓覺咩﹖男人支支吾吾，查實收左線偷偷開機打，爆唔到死唔熄機，咪天光囉。
打機乃男人情意結，死症。冇得講。

4. 玩電器
男人對機器的耐性比女人好，能長時間沉迷其中。不管是玩相機﹑Hi Fi﹑煲碟﹑電腦或者任何能入電的東西，摸來搞去，樂此不疲。

5. 睇鹹帶
無論有冇受過高等教育﹑本身質素高低，或者性生活正唔正常﹑滿唔滿意，男人都鍾意無無聊click上鹹網睇，素人自拍﹑明星走光……

6. 玩公仔
大把麻甩鍾意拎住d萌系公仔著衫除衫又摸又砌，扭蛋又好figure又好，如癡如醉，對住女友都冇咁溫柔，嚇死。

7. 翻睇周星馳
次次睇親都比女友嫌，但男人其實好鍾意自己一支公無無聊睇返周星馳d舊戲。但女人每次見到都會鄙視地「唼」一聲，同埋話男人白癡。
女人唔明男人點解成日翻睇周星馳，男人都唔明女人點解成日翻煲《Sex and the City》。

8. 人體奧妙展
冇女人響身邊，男人好鍾意盡情un腳﹑兀凳﹑唔著拖鞋四圍踩﹑唔沖廁唔洗手跟手仲拎野食。
男人一個人既時候好鍾意用手指搣下鬍鬚，唔俾女人幫佢擠背脊既暗瘡，但就自己用手亂擠酒米。

9. 做壞事
sms同異性flirting﹑偷會第三者﹑扮單身約女同事﹑朋友或者網友出黎食飯睇戲，都係男人背住女人會做既事。
部份低質素男人好鍾意偷偷揼骨唱邪K北上跳舞甚至叫雞。驚未﹖

10. 咩都唔做
基本上男人背住女人最鍾意做又最多做既，就係咩都唔做﹑發呆﹑攤屍。
男人唔明，點解女人一知道男人無野做一得閒就default要陪佢，唔陪就係罪。
所以男人欺欺瞞瞞，可能都只係為左可以咩都唔做，咩都唔諗。難得清靜。




原來有好多我都會做......